រូបរាងកាយស្អាត ជាភាពទាក់ទាញមុនគេ និងនាំឱ្យនារីមើលទៅមានភាពលេចធ្លោ។ ប៉ុន្តែពុំមែនរូបរាយកាយស្អាតតែម្យ៉ាងទេ ដែលនាំឱ្យនារីម្នាក់មើលទៅស្អាត។ នៅមានរបស់ជាច្រើនទៀតដែលនារីត្រូវយកចិត្តទុកដាក់តុបតែងឱ្យដូចជាខ្លួនប្រាណដូច្នោះ។ តើអ្វីខ្លះដែលនារីត្រូវយកចិត្តទុកដាក់?
១.ចំណេះដឹង ៖ នារីត្រូវខិតខំរៀនសូត្រ បង្កើនចំណេះជំនាញរបស់ខ្លួន។ ការអានសៀវភៅ ការចូលរួមកិច្ចការផ្សេងៗ ក៏ជាកត្តាចូលរួមនាំឱ្យមានចំណេះដឹង។
២.ចិត្តគំនិត ៖ នារីត្រូវចេះគ្រប់គ្រងខ្លួនឯងឱ្យមានភាពចាស់ទុំខ្លះផងដែរ ព្រោះការប្រើអារម្មណ៍ខ្លាំងពេក ងាយនាំរឿងដាក់ខ្លួននិងមនុស្សនៅជុំវិញ។
៣.ចរិត ៖ ថ្វីបើនារីមានចរិតខុសគ្នា ដូចជានារីខ្លះ ញ៉ិកញ៉ក់ ពូកែឌឺ និងនារីខ្លះសុភាព ស្រគតស្រគំក៏ដោយ អ្វីដែលសំខាន់ត្រូវស្ថិតក្នុងភាពថ្លៃថ្នូរសមរម្យ មិនច្រងេងច្រងាង មិនស្គាល់ល្អអាក្រក់ខុសត្រូវ។
៤.ស្នាមញញឹម ៖ នារីដែលចេះញញឹម មានភាពរួសរាយរាក់ទាក់ គឺជាចំណុចទាក់ទាញមួយដ៏ខ្លាំងបំផុត ហើយក៏ជួយឱ្យសម្រស់ស្រស់ស្អាតមួយកម្រិត និងពេលខ្លះវានាំឱ្យមានភាពជោគជ័យក្នុងទំនាក់ទំនង ក៏ដូចជាការងារផងដែរ។
(នៅមានរបស់ជាច្រើនទៀតដែលត្រូវតុបតែង សូមសាកល្បងរកដោយខ្លួនឯង)
អត្ថបទដោយ ៖ ក្រុមការងារកម្រងស្មេរ
កែសម្រួលដោយ ៖ រៀនដើម្បីធ្វើស្រែ